Valdres FK 1 vann tre kampar torsdag og er dermed klare for semifinale i B-sluttspelet. Semifinale og eventuell finale går fredag. (Arkivfoto)

I dagens første kamp var Bækkelaget 1 motstandar, og kampen enda 1-0 til Valdres. I følgje oppmann Bjørn Sætre haddde Valdres eit solid grep om spelet, men sløste med sjansane. Målet vart scora av Joakim Halvorsen.

Åttendelsfinala gjekk mot Freidig. Trøndarane stilte med store og fysisk sterke spelarar, og det vart ein hard kamp for avansement. Vegar Opheim ga Valdres leiinga, men Freidig utligna til 1-1. Med eit frispark i siste speleminuttet greide Kasper Dyve å sikre sigeren for Valdres.

Dagens tredje og siste kamp var dermed kvartfinale, og motstandar var Odda 1. Det var to slitne lag som møttes, seier Sætre, og kampen vart difor aldri god. Valdrisane var likevel hakket betre enn motstandaren, og scoringa til Vegard Opheim mot slutten av første omgang var nok til å sikre Valdres FK plass i semifinalen.

Semifinalen går fredag kl. 09.00, og motstandaren er Vaalserquartier frå Aachen i Tyskland.