Valdres FK tek i mot Vålerenga til kamp i interkretsserien onsdag kl. 1900. Vålerenga leiar serien med 33 poeng, mens Valdres er nummer 9 med 18. - Men, seier trenar Audun Magnus Bakken, dette er ein kamp der vi har alt å vinne!

Laga møttes også i andre serierunde tidleg i vår, då gjekk det ikkje betre enn at Vålerenga vann 6-1. Men Audun Magnus Bakken  meiner at oslolaget då stilte eit maksimalt sterkt lag, samstundes som Valdres var litt ferske på dette nivået. Han lovar at laget hans ikkje kjem til å legge seg bakpå, men gå for tre poeng onsdag.

Jon Fossholt og Knut Olav Veimodet må stå over denne gongen. Fossholt er ute med karantene, medan Veimodet skal på opptaksprøve til befalskule. - Dermed blir det høve til å prøve ut nye folk på desse plassane, seier Bakken.