Det blir mange turar over Valdresflye for Valdres FK sesongen 2014. I avdeling 2 er det tre lag frå Oppland, tre frå Hedmark, tre frå Møre  og Romsdal og heile fem frå Trøndelag. Bildet: Brumunddal er eit av laga det blir gjensyn med neste år.

Her er avd 2:

Elverum  (ned)
Gjøvik-Lyn
Raufoss
Nybergsund
Valdres
Træff
Molde 2
Levanger
Byåsen
Nardo
Rosenborg 2 
Brumunddal   (opp)
Herd  (opp) 
Rødde FK  (opp)

Av desse laga er seks  heilt nye for Valdres FK: Træff, Nardo, Rosenborg 2, Rødde (som tidlegare heitte Tiller/Melhus), Levanger og Byåsen (som vi rett nok har møtt i treningskamp). Molde 2 og Herd har vi  spelt mot tidlegare, og med gode resultat. Vi hugsar med glede 5-1 over romsdalingane på Aker Stadion for eit par år sidan!

Førsteinntrykket av gruppa er at den kan bli jamn. Kanskje er  det Elverum og Raufoss som peikar seg ut som dei største favorittane. Positivt er det av vi unngår dei lengste reisene, som krev fly og fleire overnattingar. Turane til Trøndelag vil vel kunne gjerast unna på ein dag, mens det nok kan bli aktuelt med overnatting i Molde og Ålesund.

Så får vi følgje med på cupfinalen sundag og merke oss spelarar vi kan koma til å møte neste år...