Det blir vemodig på Blåbærmyra laurdag når Kai Erik Rundbråten spelar sin siste heimekamp. "Baja" har teke den endelege avgjerda om å prioritere familiehygge framfor fotball, og dermed blir det fremste kjennemerket til klubben no borte. Rundbråten er ved sida av Joakim Wiik den einaste som er at frå laget som sensasjonelt rykka opp til andre divisjon hausten 2007.

Forhåpentlegvis blir det ikkje berre sorgen når Nybergsund kjem til Valdres. Med siger her er Valdres sikra spel i andre divisjon også neste sesong. Skulle det bli tap kan det bli litt for spanande i siste serierunda mot Fram Larvik. Nybergsund ligg som nummer tre på tabellen og kan ikkje rykke korkje opp eller ned.

Ein annan spelar som forsvinn etter sesongen er Srdjan Radovic. Srdjan spelar ikkje laurdag pga. karantene, men er klar at neste helg.  Kristian Tuv og Ardjan Fera er usikre til Nybergsund-kampen på grunn av småskader.

Valdres FK inviterer med gratis tilgjenge til denne siste heimekampen i år. Det er klubben sine gode sponsorar som betalar gildet. I pausa blir det trekning i reiselotteriet og auksjon på scooter gjeve av Autohuset. Merk tidspunktet: 13.00!

Srdjan Radovic med kurs for Sveits etter endt sesong.

Kampodds Valdres - Nybergsund:

Norsk Tipping:  2,10          3,80       2,30

Betsson:  2,18      4,15          2,40

 Nordic Bet:  2,25      4,20       2,40