Valdres FK gir ut nytt nummer av fotballavisa laurdag den 16. mai. Mykje av stoffet har tilknytning til storkampen på Gol same dagen.

Fotballavisa kjem som innstikk i avisa "Valdres", så det vil vere lurt å ta ein tur i postkassa før ein set kursen mot Hallingdal 16. mai.

I avisa tek vi eit tilbakeblikk på fotballen i Valdres og Hallingdal på 70-talet, og truleg blir det plass til bilete av storlaga frå den gongen. Nokon som kjenner desse staute karane?

Det blir halvgrove historier frå Valdres og mykje anna gild lesnad!