Seniorlagene
Den spanske keeperen Gonzalo Gutièrrez er truleg på veg til Valdres. Klubben er samd med Gutièrrez om vilkåra for ein korttidskontrakt, og berre detaljar står at før spanjolen kan setje kursen mot Valdres.
Gutièrrez har spela landskamper for Spania U 16 og U 17. Han er 25 år og kjem frå Madrid. Gutièrrez starta karriera i Real Madrid B, har vore innom Getafe B og spelte siste sesongen for Cadiz på nivå 3 i Spania. Her kan du sjå video frå presentasjonen som Cadiz-spelar i 2011:
Ifølgje dagleg leiar Jan Tore Vik er det ikkje snakk om prøvespel for spanjolen. Gutièrrez får kontrakt "usett", ut i frå tidlegare prestasjonar og attestar frå m.a Manuel Hervas, som kjenner Gutièrrez frå tidlegare. Dermed må Tomas Varpestuen bu seg på hard kamp om keeperplassen komande sesong.
