Det blir rapportert om ein jamnspela kamp på den nye kunstgrasbanen på Dokka. Valdres tok over på slutten av omgangane og hadde 4-5 gode sjanser til å avgjere kampen, men effektiviteten var ikkje på topp. Trenar Audun Magnus Bakken er likevel særs godt nøgd etter å ha sett mykje bra spel. Det var viktig å få prøvd folk på uvante plassar, og ein fekk med det svar på ein del spørsmål. Valdres brukte 16 spelarar i kampen.

 Det er elles klart at Bakken no tek over hovudansvaret for interkrets-laget. Dette fordi Vidar Hilmen får ein rollekonflikt med stillinga han har i fotballforbundet, der han har ansvar for oppfølgjing av domarar. Ole Skouboe vil istaden leie treningane ein gong for veka, Jan Tore Vik tek seg av den fysiske biten, og Bakken og Hilmen tek hand om resten. Audun Bakken ser det positive i at fleire personar er med å bidrar: Gutane har mellom anna lete seg inspirere av Ole Skouboe og dei ideane han har teke med seg inn i laget.

Alt i alt er juniorane i god rute fram mot den rekordtidlege opninga 12. mars!